യുദ്ധങ്ങൾ തകർക്കുന്നത് പ്രകൃതിയെയും; നവംബർ 6 പരിസ്ഥിതി സംരക്ഷണ ദിനം.

ലോകം: യുദ്ധങ്ങളിലും സായുധ സംഘർഷങ്ങളിലും പരിസ്ഥിതിക്കുണ്ടാകുന്ന നാശത്തെക്കുറിച്ച് അവബോധം സൃഷ്ടിക്കുന്നതിനായി എല്ലാ വർഷവും നവംബർ 6 അന്താരാഷ്ട്ര ദിനമായി ആചരിക്കുന്നു. യുദ്ധങ്ങൾ മനുഷ്യജീവിതത്തെ മാത്രമല്ല, പ്രകൃതിയെയും ഗുരുതരമായി ബാധിക്കുന്നു. വനനശീകരണം, ജലമലിനീകരണം, മണ്ണിന്റെ നാശം, വന്യജീവികളുടെ ആവാസവ്യവസ്ഥയുടെ തകർച്ച തുടങ്ങിയവ യുദ്ധങ്ങളുടെ പ്രധാന പാരിസ്ഥിതിക പ്രത്യാഘാതങ്ങളാണ്. 2001-ൽ ഐക്യരാഷ്ട്രസഭയുടെ പൊതുസഭയാണ് നവംബർ 6 ഈ ദിനമായി പ്രഖ്യാപിച്ചത്. യുദ്ധസാഹചര്യങ്ങളിൽ പരിസ്ഥിതിയെ സംരക്ഷിക്കേണ്ടതിന്റെ പ്രാധാന്യവും പ്രകൃതിവിഭവങ്ങളുടെ സുസ്ഥിരമായ ഉപയോഗവും ഈ ദിനം ഓർമിപ്പിക്കുന്നു. യുദ്ധാനന്തര പുനർനിർമാണത്തിൽ പരിസ്ഥിതി സംരക്ഷണത്തിനും മലിനമായ പ്രദേശങ്ങളുടെ പുനരുദ്ധാരണത്തിനും പ്രാധാന്യം നൽകണമെന്ന സന്ദേശമാണ് ഈ ദിനം മുന്നോട്ടുവയ്ക്കുന്നത്. സമാധാനം മനുഷ്യർക്കു മാത്രമല്ല, ഭൂമിക്കും അത്യാവശ്യമാണ്.
Comment Share